Cabitaano Nafaqo leh oo Macaan | Kordhinta Miisaanka

Ma jeceshahay inaad si fudud ku cayisho mase taqaan cabitaanada kaa caawinaya ee lagu naaxo?. Sida Caadiga ah bani'aadamka jir kooda waxaa loo abuuray hab dabiici ah oo ka saacidaya in miisaanka uu ku kordhiya, isaga rida ama uu ku xajisto miisaankiisa markaas.

Laakiin waxaan halkaan idin kula wadaagi doonaa 6 cabitaan oo si fudud oo dhaqso ah kaaga caawinaya inaad miisaankada ku kordhisid, xitaab habkaan dadka aan cayilka jecleyn ayaga oo aanan fahamsaneen ayuu miisaan ugu kordhaa, qofki fahamsanna si weyn ayuu uga faaideysan karaa, miisaankiisana ku kordhin karaa.

1. Cabidda Caanaha.

isticmaalka caanaha waa mid ka mid ah waxyaabaha sida weyn uga qeyb qaata cayilka, waxaa laga helaa maadooyin badan oo jirka ka caawinaya in miisaan uu ku kordha sida Borotiinka, Dufan badan, Fitamiins,  karbohaydareyd iyo macdanno kaloo badan.

Daraasada lasameeyay ayaa muujinayya in boratiinka laga hela caanaha uu si aad ah ugu fiican yahay dadka raba iney murqo dhistaan, waliba daraasada waxey intaas ku dartay in dumarka jimicsiga kadib isticmaala caanaha dufankooda uu badan yahay ay natiijadooda miisaan kordhinta aad u sareyso, waxaana lagu talinayaa in qofka raba inuu miisaan kordhin sameeya in  cunta walba uu cunaya uu caano ku daro.

2.Isticmaal Cabitaanada la Shiiday.

Sida lawada ogyahay Cabitaanada laga sameeyay khudaarta iyo miraha la shiiday, waxey si aad ah ugu wanaagsan yihiin caafimaadka guud iyo quruxda jir ahaaneed ee qofka waxeyna ka hortagaan xanuuna badan.

Sidoo kale waxey ka qeyb qaataan kordhinta miisaanka, qofka si joogta ah u isticmaalo cabitaanadan khudrada iyo miraha shiidan ka sameysan, waxey ku kordhiyaan kooloris xad dhaaf ah oo si weyn kaaga caawinaya inaad Cayisho oo miisaankaada uu kordho.

3.isticmaal Borotiin(protein Shake).

Qofka doonaya inuu cayilo ama jirdhis sameeyo isticmaalka Borotiinka aad ayuu muhiim ugu yahay, wuxuuna kaa caawinyaa in si waxtar leh oo fudud miisaakaada aad u kordhiso.

Bortiinka nooca loo yaqaan (Protein Shake) waa Borotiin budo ah, diyaarsan oo si fudud asigoo Gasac/Daasad ku jira aad usoo iibsan kartid, ugu yaraan maalinti 2 qaado ku shiido caano iyo moos wuxuu si weyn kaga caawinaya inaad cayisho, hadii aad tahay qof jimicsi sameeyana wuxuu kuu sahlayaa inaad murqo dhisato.

Sii Aqriso... Maxaa Lagu Daweeya Xanuunka Xiliga Caadada.

4. joogtey Biyaha Qumbaha.

Marka dalkeena laga hadlayo Biyaha Qumbaha waxey ka mid yihiin cabitaanada ugu caansan ee dabiiciga ah ee laga helo, waana biyo hodan ku ah maadooyin badan oo jirka waxtar wanagsan u leh sida fitamiinis iyo macdano kaloo badan.

Laakiin waxa muhiimka ah ayaa waxey tahay in biyaha qumbaha ay qani ku yihiin sokor iyo kooloris badan, waxaa la xaqiijiyay in halka koob (240ml) ee biyaha qumbaha ah ay ku jirto 6 garaam oo Sokor ah iyo 45 koolari, taasoo ka dhigeysa inuu ka mid yahay cabitaanada qeybta ka ah kuwa miisaanka kordhiya.

5. Cabidda Soodhaha.

Cabitaanada sijilka ah nooca loo yaqaan Soodhaha waxey ka mid yihiin cabitaanada caafimaadka leh sida ay muujisay daraasad dhawaan lasameeyay maxaa yeelay malahan wax koolori ah.

Cilmi baaristaas oo in ka badan 2000 qof ay ka qeyb qaateen ayaa lagu sheegay in dadka sida weyn u isticmaala cabitaanka soodhaha ay dhex weyn yeeshaan marka loo fiiriya dadka aan cabin soodhaha.

6. Sharaabka Sports'ka.

Cabitaanada diyaarsan ee loogu tala galay ciyaartoyda iyo dadka jimicsiga sameeya waxey ka kooban yihiin Sokor iyo Kooloris badan, waxaana loogu talagay dadka jimicsiga waqtiga dheer sameynaya iney tamar fiican ka helaan.

laakin qofka doonaya inuu cayilo, hadii uu badiya isticmaalka cabitaanadan nasiina fiicanna uu hela, waxey kaa caawineysaa inaad kordhisa miisaankaada.

Sii Daalaco... 7 Cunto Oo Si Fudud U Jara Baruurta Caloosha.