10 Hab Oo Waqtigaaga Aad Ku Maareyn Karto (Time Management Tips)

Kusoo dhawaada maqaalkeena maanta, waxaan si faah faahsan halkaan idinkula wadaagi doonaa Toban qodob oo si dheeli tirin aan ugu soo koobnay; Qiimaha waqtiga, Maaraynta waqtiga, Faa'iidada waqtiga,  ilaalinta Waqtiga, Muhiimada waqtiga, iyo sido kale xigmad waqtiga.

Hordhac

Hantida badan ee bini aadamka Illaahay siiyay wax badan oo kamid ah wey ku kala duwan yihiin, wax yaabaha aadka u kooban ee Ilaahay isku si aadanaha u siiyay waxaa ka mid ah waqtiga. Qofka meesha uu doona hajooga, diinta uu doona ha haysto, xaalada uu doona haku jira, subixi marka  uu soo kaca ilaa waqtigaa kala laga soo gaaray qofka wuxa uu haystaa 86400 ilbiriqsi yacni 24 saacadood, waa wax yaabaha uu ilaahay isku si bini aadamka ugu qeybiyay, laakiin waxaa lagu kala tagay sidi waqtigaas loo beeqaansan lahaa, loona maareyn lahaa.

Qeyb dadka ka mid ah waxey aad juhdi u galiyeen, xeelad walba u isticmaalen, sida ugu wanaagsan ay waqtigooda ku maareyn lahaayeen, halka dad badan oo inaga mid ah uu kaliya subixiina u barya waaga, galabkiina u dhaca si bilaa qorsha ah, dadka waxa inta badan kala badalay waa un intaas.

Hadaba waxaan maqaalkan idinkula wadaagi doonaa ilaa Toban hab oo kaa caawiniya in waqtigaada sida ugu wanaagsan aad u maareyso.

1- Parkinson's Law

Xeerkan waxa uu leeyahy howsha qofka u taala hadba waxey isku dhex fidisaa waqtiga uu u qoondeeyay, tusaale hadii manta aad doneysid maqaal inad qorto maqaalkaa aad tiraahdid sadexda cishee soo socotaan qorayaa, sadexdaa cishe ee aad qabsatay ayee isku dhex fidineysaa howshii, sidoo kale waxaa suurtagal ah in aad maalin gudaheeda ku qaban kareysay.

Marka hadba sida aad waqtiga u qoondeysa ayee isku dhex fidisaa shaqada kuu taalo. hadaba xeerkan waxaa uu boorinayaa in qofka uu sameysto jadwal ama waqti cayiman oo howsha u taal uu ku qabto.

2- Time Blocking

Maanta aadbaa qodobkaan aad baa looga waramaa buugaagta laga qoray maareynta waqtiga, sababtoo ah waqtigeena waxaa jira wax yaaba badan oo ku xeeran, dalabaad badan oo hareeraheena ka imaanaya hadey qaraabadeena noqota, hadeey asxaabteena noqota, iyo hadeey baraha bulshada noqotaba, marka waa muhiim in qofka uu sameysto waqti u xiran maalin walba oo uu ugu tala galay in uu ku qabsado howlaha u yaaalo markaas.

3- Pomodoro Technique

Fikrada qodobkaan waxa ay ku timid nin arday Talyaani ahaa oo maadama caafimaadka baran jiray ayaa wuxuu xiliga uu waxbarashada ku jiray si fudud ku helay fikrad aheed saacadaha yaryar ee miiska lasaarto in uu xirto waqti, Labaatan iyo shan daqiiqo in uu wax aqriyo shan daqiiqo uu nasiino qaato sidaasna uu sadex wareeg sameeeyo marka uu wax aqrinayo.

Kadib waxey noqotay fikrad caan baxday oo si aad ah loo adeegsado, qasab ma'ahan in 25 daqiiqo ay noqota waqtiga aad xiraneyso dadka wey ku kala duwan yihiin howsha ay qabanayaan markaas, Laakiin markasta ee howshaa aad ku foogan tahay ay sii badato waqtiga nasiinada ee aad qaadaneyso waa in aad yara badisaa kadibna sadex jeer sidaa aad ku celisaa.

4- Single Tasking

Qodabkaan waxa uu kasoo hor jeedaa ama cagsi ku yahay "Multi tasking" yacni qofka in uu yiraahdo wax yaabo badan ayaan mar qura wada qabanayaa, bini aadamka tamartiisa waa ay xadidan tahay ma'ahan kumbiyuutar mar qura dhowr shaqa wada qaban kara, markasto oo aad howl qabata tamartaada baa meesha kasii baxeysa.

Waa macquul wax yaaba aan tamar maskaxeed nooga baahneen in qofka uu mar wada qabto, laakiin laba sheey oo mid walba tamar maskaxeed ay u baahan tahay iskuma wada qaban kareysid, marka isticmaal qodobkaan oo dhowr sheey mar hawada qaban, xira waqti si sitaya leh howshaa aad dooneysa aad ugu qabatid.

5-  Pareto Principle

Qodabkaan waxa uu yahay tusaale maanta 10 howl ayaa rabtaa in aad qabato tobankaas laba kamid ah oo u dhigmaya boqolkiiba labaatan (20%) ayaa waxey ku siinayaa natiijada maalinkaa aad u baahan tahay si aad u dareento howl inaad qabatay, tasoo aan ula jeedno tobanka sheey hadaad qabato bololkiba boqol (100%) ayee kuu noqoneysaa natiijadi aad u baahneed, laakiin laba ka mid ah ayaa jira tobankaas oo hadii aad qabato boqolkiba sideetan (80%) ay kuu noqoneysa natiijadi aad u baahneed hadaba labadaas qodab maxey yihiin.

Hadaba isticmaal qodobkaan oo isweydii mar walba oo aad howl qabaneyso waa maxay labada wax ee hadii aan qabto boqolkiba sideetan (80%) isiinaya ama natiijada aan maalinkaas u baahanay ii dhaweynayya.

6- To Do List

Hadaba ma ogaan kareysid qodobkii hada aan kasoo sheekeyneynay (Pareto Principle) ee tobanka qodob ee kuu qoran aad laba kamid ah kala soo baxeysay sideeda kalana aad iska tuureyso hadaad waqti u heshana aad qabaneyso, hadaadan qodobeysan howsha markaas kuu taal oo aadan sameysan "To Do List", waliba waqtiga ugu haboon oo ay tahay qofka in uu sameysto waa habeenki inta aanu seexan.

7- Biological Prime Time (BPT)

Waxa uu tilmaamayaa qodobkaan waqtigeena ama tamarteena xaaladaha iyo hadba xiliyada kala duwan ee maalinkii ayee hadba isku bad badashaa, oo mar waxaa jirta mar qofka uu aad u firfircoon yahay iyo mar uu caajisan yahay, marka qofka in uu ogaado waa goorma waqtiga ay tamarteydu ugu sareyso.

Dadka qaarbaa yaqaana xiliga ay ugu firfircoon yihiin in ay howlahooda qabtaana eey ugu jecel yihiin, marka waa muhiim inaad garan kartaa waqtig tamartaada ay ugu wanaagsan tahay.

8-  Eisenhower Matrix

Xeerkan waxa uu sharaxayaa afarta qaanad ee waqtiga qofka marka la eega waqtigiisa iyo howlaha faraha badan ee uu qabanayo afarta qaanadood ee lakala galiyo sida ay u kala mudan yihiin. Tasoo macnaheedu yahay howlaha faraha badan ee maalinkaas kuu yaala waxey u qeyb samayaan afar qeybood.

    ● Wax muhiim ah oo hadana deg deg ah.

    ● Wax muhiim ah oo hadana aan deg deg aheyn.

    ● Wax deg deg ah oo aan muhiim aheyn.

    ● Wax muhiim aan aheyn hadana aan deg deg  aheyn.

Hadaba in badan hadii aad waqtigeena eegto labada qodob ee hoose ayaan ku qabanaa, sidaas darteed waxaa haboon inaad tiraahdo waxaan qabanayaa wixii muhiim ah ee hadana deg deg ah, halka wixii muhiim ah laakiin aan deg deg aheyn larabo inaad qorsheyso, sidoo kale waxaa jira wax muhiim aan aheyn hadana deg deg ah hadaba iska fogeey wax yaabahaas inta badan saaxiibada iyo baraha bulshada ayeey nooga timaadaa.

9- Newton's First Law

Xeerkaan waxaa loo adeegsadaa markey wax soo saarka (Productivity) iyo inta badan howlaha inoo yaala ay noqota, qabashada howl bilaawgeed culees ayeey leedahay taaso qofka ku keeni karta in uu dib u gurasha sameeyo ama hadhoow ayaan qabanayaa. Sidaas darteed xeerkaan marka uu qofka adeegsanaya waxa uu oranayaa wax inaan dhaqaajiyo ayaan rabaa, sida aan ku sharixi doona qodobkan hoose.

10- The Two-Minute Rule

Qaanuunkan waxa uu leeyahay sheyga waxaad tiraahdaa laba daqiiqa unbaan qabanayaa, waa qiyaano maskaxda la qiyaanayo, waataan qodabka hore kusoo sheegnay bilaawga in ay adagtahay, iska caabin gudeedo fara badan qofka ka hor imaaneysa sidaas darteed waa inaad maskaxda ku xirtaa howshaan kaliya waxaan qabanayaa laba daqiiqo.

Runtii qodobkaan aad baa loo isticmaalaa, sababta oo ah wax kasta talaabada u horeysa marka aad u qaado ama labada daqiiqo oo u horeysa  ee howshii aad gasho ayee macno kuu yeelanayaan. Maxaa yeelay sideedaba bini aadam ka mahelo dhiiranaanta iyo  xamaasada shaqada ka hor, ee wuxuu helaa shaqada inta uu ku guda jiro, sidaas darteed isku day labada daqiiqo ee ugu horeysa inaad maskaxda qiyaanto oo ugu yaraan howshaa aad bilaawda.

Sii Daalaco....

5 Caado Xun Oo Dilayya Maalintaada.

Biya Baxa Deg Dega | Sida Loo Daaweeyo